Martes, Maio 28, 2024
ActualidadeXornada

Charli Varela e Campo da Feira triunfan en Eirís.

Campo da Feira fíxose coa vitoria de maneira apurada, mais merecida. A superioridade deste equipo durante as últimas temporadas semella que xa non é tendencia. Agora, APB deu un salto de calidade e vaille disputar o título ao equipo de Paiosaco. Billardeiros Musicais quedou a dous ptos do ganador e Cochiqueiros a 6 ptos. Nunca antes se presenciara cousa igual. 4 equipos a unha distancia de 6 ptos.

Campo da Feira tirou de recursos pouco habituais e Charli liderou ao equipo con 20 ptos. A ausencia de Óscar Ponte e a mala xornada de Juan Carlos, fixeron que tivera que sumar Enrique 13 ptos, Abel 13 ptos e Xulio 11 ptos. Si, foi un puntiño o que sacou de vantaxe sobre APB.

APB tivo a vitoria nas mans, pois Lito e Cotelo loitaron na final a 4. Con deixar a Charli por detrás deles na final estaba feito. Cousa que non sucedeu. Se ganaba Charli con deixar a Xan detrás deles tamén chegaba. Cousa que tampouco sucedeu. Desta maneira, sumaron para o equipo da Laracha Lito 15 ptos, Roi 15 ptos, Cotelo 14 ptos e Collazo 12 ptos.

Billardeiros Musicais clasificou a 3 xogadores para a fase de cruces e con posibilidades matemáticas de ganar a xornada se avanzaban ata a final. Todos quedaron eliminados no primeiro cruce eliminatorio. Polo tanto, sumaron Daniel 17 ptos, Félix 13 ptos, Tejero 13 ptos e Manu Pozo 12 ptos. Calquera destes 3 equipos puido ganar a xornada.

Cochiqueiros mantivo o tipo grazas ao liderado incuestionable de Abel Regueiro que esta temporada está abraiando, fascinando e seducindo co seu xogo. O Regueiro tomou os mandos dun equipo desnortado pola ausencia das súas vacas prófugas Berdi e Viqueira, que faltaron ás dúas primeiras xornadas. O que podería supoñer unha desfeita converteuse no descubrimento de Abel Regueiro como novo líder da escuadra de Cerceda. Agora, veremos se os incorporados Berdi e Viqueira soportan ese novo rol secundario no equipo.

Filloas de Sangue defendeuse co seu cuarteto glorioso e con Valentín. Miranda 12 ptos, Valentín 11 pts, Gándara 8 ptos, Josecho 8 ptos, sumaron para o equipo. Destacar a actuación do infantil Valentín que impresiona co seu espírito sempre vigoroso e correúdo e cunha zurda demoledora. Miranda progresa e xa se sitúa como mellor clasificado do equipo da Coruña. Gándara sempre achega ptos e Josecho e Lois Fontán teñen días.

Lúa de Forza e Chaínzos presentaron 4 xogador@s cada un, entón o seu rendemento quedou limitado por este número mínimo de efectivos. Vaia, levaron a cor verde con elegancia e aos seus corpos atléticos embutidos nas camisetas non se lle descoseron as costelas.

EQUIPOSLOCALIDADEptos
CAMPO DA FEIRAPAIOSACO57
APBA LARACHA56
BILLARDEIROS MUSICAISRIBADEO55
COCHIQUEIROSCERCEDA51
LÚA DE FORZASANXENXO42
FILLOAS DE SANGUEA CORUÑA39
CHAINZOS CADAVALCASTRO DE REI36

Agora a xeral queda con APB na cabeza con 8 ptos de distancia sobre Campo da Feira. Que temporada nos agarda ! O terceiro posto deberán loitalo o resto dos equipos.

EQUIPOSLOCALIDADEptos123
APBA LARACHA199687556
CAMPO DA FEIRAPAIOSACO191557957
LÚA DE FORZASANXENXO164457742
FILLOAS DE SANGUEA CORUÑA149446639
COCHIQUEIROSCERCEDA146336251
BILLARDEIROS MUSICAISRIBADEO55  55
CHAINZOS CADAVALCASTRO DE REI36  36

Na Categoría Absoluta, Charli Varela de Campo da Feira de Paiosaco ganou a xornada cunha actuación maxistral. Segundo foi Xan Rodiño de Lúa de Forza Sanxenxo e terceiro Lito Pena de APB A Laracha. Na Categoría Feminina venceu Geni de Billardeiros Musicais de Ribadeo, segunda foi Marisa de Lúa de Forza e terceira Aroa de Billardeiros Musicais. En Categoría Infantil o ganador foi Valentín de Filloas de Sangue da Coruña, segundo foi Lucas de Campo da Feira e terceiro Óscar García de Cochiqueiros de Cerceda.

Este deporte ten as súas leis inmutables e ningunha poderosa evidencia ten o xenio de alteralas. Cando o desacerto entra no corpo e no cerebro, ben se instala a pasar unhas horas, ben non se sinte cómodo e cambia de corpo. En fin, non podemos pasar por alto o asalto ao ceo da Clasificación Xeral Feminina de Marisa. Por vez primeira na súa carreira deportiva acada o cumio e confirmou, ao acabar a xornada, que ameaza con non abandonalo. “A ver quen se atreve a sacarme desta Pena Trevinca clasificatoria !  Que viva o metaverso“, foron as palabras textuais da xogadora de Lúa de Forza.

Na Xeral Absoluta, temos que salientar o rendemento de Abel Regueiro. Os demais integrantes dos dez primeiros postos son habituais e con solvencia e garantías de que van continuar aí. O caso de Abel é como o de Vinicius. As primeiras temporadas mostraba un potencial enorme, incluso ganou un Aberto. Non obstante, na competición oficial e nos momentos decisivos sempre cometía erros incomprensibles e moitas burlas e risas tiña que escoitar o cochiqueiro. A día de hoxe o asombro continúa e nin el mesmo encontra explicación a esta metamorfose alquímica.

ABSOLUTAEQUPTOS123
XAN RODIÑOLÚA64202222
LITO PENAAPB56221915
ABEL REGUEIROCOQ55172216
COLLAZOAPB46161812
CHARLIFEI42 2220
MIRANDAFIL40111712
ENRIQUEFEI39161013
GÁNDARAFIL3912198
JOSECHOFIL3814168
ROI APB3714815

FOTEGASA e VÍDEGASA

Dous golpes desde a mesma posición (moi pouco ángulo) e diferentes resolucións

 

/>

/>

 

ACTAS

 

PRÓXIMA XORNADA

PAIOSACO

23 OUTUBRO

Deixa unha resposta

O teu enderezo electrónico non se publicará Os campos obrigatorios están marcados con *