CAMPO DA FEIRA e APB representarán ao Noroeste na FinaLNB 2020

19 Xullo, 2020 Admin

Soandres foi escenario da última xornada da LNB NOR. Collazo ganou en Absoluta, Lu en feminina e Miklos en infantil. Campo da Feira ganou en equipos. O que estaba en xogo decidiuse na última carreira da fase de grupos e na primeira eliminatoria de cruces. Isto é as dúas prazas de finalista individual absoluta. Finalmente, foron Edu e Xulio Ponte quen obtiveron billete para a FinaLNB 2020. Añón, sen participar na xornada, mantivo a oitava posición… que sortilexios estaría facendo en Mondariz Balneario o alquimista Ambroa para que fallaran tanto Enrique, Gándara e Viqueira a escasos metros do varal?

Durante a semana que vén analizaremos en detalle as clasificacións finais. Nesta xornada final BIGAL fixo un esforzo loxístico e tivo varias cámaras individualizadas para seguir os golpes decisivos. Landras Kubrick conseguiu uns planos sensacionais. Para mostra do material que iremos editando posteriormente deixamos estas imaxes.