A LNB NORLESTE bota en falta o Festival da CHAIRA, mais BALTAR sen actividades non vai quedar
Xa podemos informar sobre o acontecemento desacougante co que se iniciaba a semana na Chaira. A desaparición do cabaliño do Chousa ten varios frontes activos abertos. Moitas interrogantes, quen foi, por que, para que e … ante todo, pasou a proba do PCR o animal?
Vaia, mellor que observedes as novas dos xornais para que vos fagades idea da conmoción que sacude a Chaira. O que si se sabe seguro é que o domingo en Baltar, A Pastoriza, resolverase o enigma, á maneira do famoso detective Hercules Poirot, reunindo a todas as persoas involucradas e desvelando os feitos acontecidos, mentres se xoga unhas carreiras de billarda.
