Mércores, Xullo 24, 2024
ActualidadeConferencia Rías BaixasLiga Nacional de Billarda

PREVIA da 10 xor LNB RÍAS BAIXAS. Os equipos mostran as súas armas… co obxectivo de amedentrar ou acolloar aos rivais

Rinoceronte, equipo de billarda, está preparando o ambiente nun lugar e unha xornada que historicamente sempre se lle deu ben, en canto a resultados e ptos. Así, xa manipulou convenientemente o cartel para inxectar temor, espanto, pavor, pánico e arrepío nos rivais. Veremos que efectos produce tan arriscada iniciativa.

 

Pola súa parte, Armadiña consolida o equipo para esta segunda volta cunha decisión valente e comprometida. Desfaise dun xogador que foi un lastre que non deixou ao equipo de Poio render a tope e, ao mesmo tempo, mete un raposo no galiñeiro de Lúa de Forza, rival directo pola última praza de finalista LNB. Desde o gabinete de prensa de Armadiña enviáronnos a foto de presentación do novo palanador de Lúa de Forza. Esta sorprendente operación apenas lle supoxo ao equipo celeste pagar mil euros para que Lúa aceptase a incorporación do elemento. Cousas da billarda, hai que pagar para que che leven a un xogador… !!!

 

Lúa de Forza continúa cos seus métodos innovadores de adestramento. Na foto de abaixo aparece a súa xogadora franquicia, Lu Torres, cun radioxeolocalizador de pescozo que guía as billardas dereitiñas ao varal. De momento só o esta utilizando nos adestramentos, xa que, a LNB non homologou este sofisticado e infalible material. O equipo verde espera facer máis probas para demostrar que as ondas magnéticas que emite o aparello son inofensivas para a saúde mental dos palanadores de Corredoiras, moi sensibles a calquera golpe ganador dos equipos rivais.

Deixa unha resposta

O teu enderezo electrónico non se publicará Os campos obrigatorios están marcados con *