Vindeiro sábado 18 xaneiro XORNADA LNB RÍAS BAIXAS Concello de Vilaboa

15 Xaneiro, 2020 Admin

Chega a primeira xornada do 2020 na LNB RÍAS BAIXAS. Un mes sen liga e os paláns devecen por saír do seu letargo invernal. O escenario será o CEP Plurilingüe Riomaior de Vilaboa. Para quen teña memoria fráxil aquí queda algunha imaxe da xornada do ano pasado.

Pistas exteriores de cemento bravo, ese tipo de cemento que come nas billardas coma lobo esfameado. De todos os xeitos, as previsións son que pode chover coa mesma probabilidade que pode non facelo, daquela, o pavillón do colexio é outra alternativa non tan cruel coa madeira das billardas.

Dicir tamén, que a temporada pasada neste mesmo escenario produciuse a última vitoria nunha xornada LNB de Rinoceronte, especie de equipo en extinción e que debemos protexer con todos os nosos medios.