CASO TROITAS
Os feitos sucédense con acompasada cadencia e non somos quen de encontrar o momento para analizar a importancia de cada un deles. Onte semellaba que a nova do Parlamento de Galicia sobre a billarda eclipsaría a actualidade dos vindeiros días e semanas na LNB, mais, xa temos aquí o vídeo documental sobre a actuación de varios integrantes de Troitas Bravas na FinaLNB 2019. Actuacións estrañas, raras, anómalas e que precisan unha fonda reflexión.
-Primeiro tema a debate, que utilizou Sachas como apoio para facer os seus varados na final?
-Segundo, e non menos banal, é de orixe románica a fala da Pontenova?
Despois de ver o vídeo entenderedes o sentido destas dúas preguntas.
-Primeiro tema a debate, que utilizou Sachas como apoio para facer os seus varados na final?
-Segundo, e non menos banal, é de orixe románica a fala da Pontenova?
Despois de ver o vídeo entenderedes o sentido destas dúas preguntas.
Agora, queda aberto o foro de debate.
Que pretende significar Ramón co seu Booool! e Noé co seu Vórrrraaaa!?
Acaso, é un problema de vocalización ou unha dificultade de desprazamento da lingua para moverse baixo o padal sen obtruír a entrada de aire nos pulmóns?
Segundo as declaracións dos interesados é un asunto de hixiene persoal. Noé afirma que “hai que lavar ben as orellas por fóra e por dentro”. Ramón é máis cauto e di “quizais a terra do campo que levantou o vento obstruíu o conduto auditivo de moitas persoas”.
Por outra beira, os medios de comunicación comezan a facerse eco da nova parlamentaria de instar ao goberno galego a que recoñeza a billarda como modalidade deportiva. Agora queda que a Xunta actúe en consecuencia. Unanimidade de diputadas e diputados na aprobación da proposta presentada polo Grupo parlamentario do BNG coa enmenda do PP (creación dunha federación de deportes autóctonos).