XORNADAS FIN DE SEMANA RÍAS-NORLESTE-NOROESTE

ALBERTE PAGÁN

ALEXIS

MANU

CARME NAI

PAPI

RICAR

TAXEIRO – LUÍS CAMIÑA

ANTÍA

MARÍA GOLO

A AMEAZA DO IMPERIO NORDÉS

        A xornada de Trabada volveu ser fiel á tradición das condicións climatolóxicas adversas para xogar no exterior. Así, o pavillón trabadense acolleu a terceira xornada da Conferencia Norleste. Este lugar cuberto sempre é propicio para o varado. Desta vez fixéronse 33. Tamén, foi o sitio ideal para a confirmación dun feito que pode deixar de ser excepcional, que Carabullo ganara a xornada. Isto xunto con que continúe de líder pode deixar de ser estraño, pero o que foi inusual é que Troitas Bravas, tamén superara a Billardeiros Musicais na xeral. En definitiva, agora queda unha clasificación moi mesta nas catro primeiras posicións, xa que, Chaínzos-Cadaval que é cuarto está a 23 ptos do líder. E ollo con Remourelle, que de momento non se despega destes catro equipos. Certo que Trabada é un lugar que historicamente se lle dá moi ben ao equipo búfalo. Billarda Verde continúa coa súa progresión e estivo por enriba dos 60 ptos. O equipo benxamín da Conferencia presentou un quinteto de luxo, co internaciónal Iván Alonso, con Óscar Trade, Seixas e Xan. Todos palanadores con capacidade para buscar unha vitoria de xornada en calquera momento. Tamén, magnífica actuación de Polka Miseria, que con tres xogador@s chegou aos 44 ptos. A presenza de Lola Eiras fortaleceu a Sara e Manu. Se conseguen presentar 4 xogador@s mínimo van ser un equipo forte en poucas xornadas. Ou sexa, esta temporada rematará o dominio Musical?
         Charly foi o vencedor, seguido do seu compañeiro Albino e de Coedo. Chousa mantívose firme e mantén o liderado. Albino queda segundo e Sachas terceiro. O G-5 complétano Coedo e Manu Pozo. Despois, Daniel, Paula, Pepe Outeiro, Regueiro e Noé cerran o G-10. Destacar a posición de Paula, quen está nun momento de forma excelente que a coloca en condicións de optar ao Título Feminino, cousa que sería de salientar, xa que, significaría quedar por enriba da máis grande palanadora de todos os tempos da LNB, Geni. Non obstante, a da Terra Chá ten un potencial para enfrontar ese enorme reto.
         A Categoría Feminina está entretida pola gran actuación nestas 3 xornadas de Paula, pois o rendemento de Geni xa o coñecemos. Para derrotar á bicampiona LNB haberá que ser moi regular nas 13 xornadas, cousa que Paula non conseguiu nas temporadas anteriores. O potencial de golpeo da de Chaínzos é tremendo, pero deberá competir coa eficacia de golpeo de Geni (ten un porcentaxe de acerto no golpe case de 100%). Despois, están Ana e Sara que pouco a pouco están acercándose a prestacións similares ás dúas grandes. Soamente lles falta aumentar o porcentaxe de acerto no golpeo aéreo, pois, teñen potencia nos seus bíceps para efectuar golpes de longa distancia. Lorena, Chinita e MariCarmen estarían entre as palanadoras da zona media, pero que en moitas xornadas poden estar cerca dos primeiros postos. Outro caso diferente é o de Lola Eiras, xa que, cremos que o seu potencial está cerca do podio da Categoría, mais ao faltar a varias xornadas, de momento está lonxe. Carme e Lucía, ao faltar a algunha xornada, están lonxe de momento.
   

        Óscar Ponte subiu ao máis alto, pero… de xeito literal. Subiu ao máis alto do teito do pavillón para recuperar unha billarda e, tamén, ao máis alto do podio, pois, ganou a xornada. En equipos, unha xornada máis, e van 24 seguidas, Campo da Feira ganou, aínda que o fixo cunha vantaxe de só 4 ptos sobre APB Santa Marta. Os dirixentes do equipo de Paiosaco mostraron a súa preocupación polo baixo rendemento de Edu. A piques estivo de custarlles a xornada e romper a racha de xornadas seguidas ganando. Pola súa parte, o equipo da Santa da Laracha tivo en Kevin ao seu xogador franquicia da xornada. Estivo preto de conseguir a vitoria.
     

     
        Agora, a Clasificación Absoluta volve a estar encabezada por Collazo. A sete ptos queda Juan Carlos e terceiro é Xulio Ponte. Podemos destacar a situación de Merche, que despois de 5 xornadas está ao ladiño do G-5. E ollo que Lito, Gándara, Roi, Andrade, Luís Mato e Añón, por diversos motivos, están fóra do G-10, cousa que vai desencadear unha loita descarnada por entrar nas posicións de privilexio. Todos estes son palanadores de Final LNB, mais non caben todos, polo tanto, a emoción está garantida. A participación segue sendo fenomenal.