Mércores, Maio 22, 2024
Conferencia NoroesteProtagonistas

TODOLNB fala con… Miguel Cancela Iglesias

 

       Un dos froitos do magnífico traballo de fomento da práctica da billarda que se leva realizando na Conferencia Noroeste desde o 2007 é Miguel Cancela Iglesias. Este neno do século XXI coñeceu a billarda do xeito máis natural posible, como se facía tradicionalmente para transmitir o patrimonio lúdico galego, de xeito parental. Foi seu pai, Juan Carlos Cancela, quen lle ensinou a xogar. Foi súa nai, Cruz Iglesias, quen se incorporou á LNB para que Miguel se sentise acompañado nos desprazamentos por toda a provincia. En definitiva, foi súa familia quen o estimulou para que incorporara a billarda ao seu grupo de actividades cotiás.

 

        Podemos contemplar, na primeira acta na que aparece o seu nome, como a organización inflou a puntuación final de Miguel. Semella que foran sumados os puntos por EGASA, ao mesmo tempo que atendía ao whatsApp, ao Facebook, ao Instagram, e que sacaba fotos.
       Tamén é certo que desde un principio Miguel tivo que seguir un proceso normal de incorporación a un dos equipos máis potentes da LNB, Campo da Feira. Así, nas primeiras xornadas disputadas, o equipo non lle proporcionou equipación. Miguel tivo que demostrar o seu compromiso con adestramentos diarios, e ata que o seu xogo non alcanzou o nivel óptimo para defender as cores de Paiosaco ao longo de todo o país, non vestiu a “Cordobesa“.
        Despois desa fase inicial de disciplina e evolución psicobiolóxica, o neno de Soandres logrou a equipación de Campo da Feira en propiedade. Desde ese momento, os seus resultados foron mellorando de xeito meteórico, senón, astronómico. Chegou a competir no Día das Estrelas 2018 en Poio (Pontevedra), onde subiu ao podio na categoría infantil. A súa dedicación, interese, ilusión e excelente técnica de golpeo fan del un dos grandes talentos infantís da LNB.  Actualmente, encabeza a Categoría Infantil na Conferencia Noroeste.

 

 

Deixa unha resposta

O teu enderezo electrónico non se publicará Os campos obrigatorios están marcados con *