CRÓNICA ABERTO DO FERRO 2018-10-07 A PONTENOVA

        Nunha tarde espléndida de sol e sombra, de manga curta e abrigo cerrado, celebrouse o mítico Aberto do Ferro, na Praza dos Fornos da Pontenova. Ambiente excepcional para xogar nun dos lugares con máis encanto de todos os que acollen algunha xornada da LNB. Participación magnífica de 63 persoas. Ademais, achegáronse ata a Mariña Oriental un grupo de intrépid@s xogador@s da Conferencia Noroeste, que puxeron colorido e empeño por dar unha imaxe decorosa do seu xogo, cousa que non conseguiron, salvo en contados golpes. 
        A expedición do Noroeste levaba a información de que o Aberto disputábase na Comarca da Mariña Oriental, e non era errada esa información. Non obstante, o artilleiro J. Vilas trabucouse á hora de escoller o material, pois el entendeu que, sendo na Mariña, habería que levar madeira de galeote, cousa que resultou ineficaz ante as billardas-galeras do norleste. En definitiva, como sucedera con Müezzinzade Ali Paa hai 457, tamén a flota Noroeste tivo que recoller velas e regresar. Afirma o selecciónador Noroeste, Edu García (quen enviou a flota sen goberno e agora deberá asumir responsabilidades), “aprendemos a lección: onde falta capitán, non funciona o palán“.
       
       Chousa, o Coroceiro 2016, foi o ganador da Navalla 2018. Coa súa fichaxe por Carabullo dou un salto de calidade evidente, pois os resultados así o confirman. Escribe o seu nome no Alboio da Fama da LNB como ganador dunha xornada de liga e, ademais, sitúase como líder da Conferencia, por vez primeira na súa carreira deportiva. Sabiamos que a xogada a tres bandas, Remourelle, Ekipa e Carabullo, podía dinamitar a xerarquía absoluta que mantiña o equipo de Ribadeo desde o 2008, pero non podiamos imaxinar que fora tan rápido todo. Así, Carabullo, líder en equipos (empatado con Billardeiros, mais diante deles por maior número de vitorias en xornada), por vez primeira desde a súa fundación. Ao mesmo tempo, na clasificación individual CHOUSA e ALBINO, do equipo da Ponte de Outeiro, primeiro e segundo. 
       Realmente, estes resultados deben ter un efecto máis emotivo que efectivo, xa que, Billardeiros seguen estando a gran nivel, pero os demais equipos están comprobando que este ano poden afrontar o reto de destronalos con esperanzas fundamentadas en feitos. Enorme actuación de Remourelle baseada, sobre todo, nos 22 ptos de Muriego, quen desde que se encarga de debuxar as actas e levar o taboleiro que serve de marcador simultáneo sufriu unha metamorfose fabulosa. Custoulle render na primeira xornada de Castroverde, xa que, o innovador sistema de subxección e ancoraxe do marcador tívoo toda a noite anterior traballando no seu taller. Pero, unha vez o aparello funciona de xeito adecuado, o Leonardo Da Vinci galego-asturiano xa voa cara ás Finais LNB 2019.
        Troitas Bravas presentou un equipo de 17 xogador@s, algo extraordinario e fantástico para a saúde da billarda. O equipo máis numeroso da Conferencia volveu a confeccionar un magnífico cadro de xogadores e xogadoras. Agora deberán refrendar esta participación noutras xornadas. Se conseguen isto, pensamos que van estar loitando polo título, pois están a 4 ptos dos líderes e 10 ptos por diante de Chaínzos-CadavalBillarda Verde e Polka Miseria estiveron nos seus números, tendo en conta que son os equipos con menos xogador@s. Non obstante, o equipo verde trouxo unha nova palanadora, María, algo fenomenal para a billarda! Manu e Sara continúan co seu compromiso coa LNB, amais, de estar obtendo uns moi bos resultados. El está dentro dos finalistas LNB e Sara está no podio da categoría feminina.

       

CATEGORIA ABSOLUTAdo EQUIPO
1CHOUSACARABULLOPONTE DE OUTEIRO
2MARKYTOSBILLARDEIROS MUSICAISRIBADEO
3MURIEGOREMOURELLE BULLSREMOURELLE
CATEGORÍA FEMININAdo EQUIPO
1GENIBILLARDEIROS MUSICAISRIBADEO
2PAULACHAÍNZOS-CADAVALCASTRO DE REI
3SARAPOLKA MISERIAPOL
CATEGORÍA INFANTILdo EQUIPO
1MANU CALDEIROCARABULLOPONTE DE OUTEIRO
MARIÑATROITAS BRAVASA PONTENOVA
MARTÍNTROITAS BRAVASA PONTENOVA
CATEGORÍA EQUIPOS
CARABULLOPONTE DE OUTEIRO
BILLARDEIROS MUSICAISRIBADEO
TROITAS BRAVASA PONTENOVA

EquiposTotal12
CARABULLOPONTE DE OUTEIROCAR1496782
BILLARDEIROS MUSICAISRIBADEOBIL1496782
TROITAS BRAVASA PONTENOVATRA1457075
CHAÍNZOS-CADAVALCASTRO DE REICHA1357263
REMOURELLE BULLSBARREIROSREM1104565
BILLARDA VERDECASTROVERDEBVE925735
POLKA MISERIAPOLPOL542727

ABSOLUTAEQUTOT12
1CHOUSACAR431924
2ALBINOCAR422319
3DANIELBIL391821
4PEPE OUTEIROCHA381820
5MANU POZOBIL371621
6SACHASTRA371621
7MARKYTOSBIL361422
8CORTÓNCHA352015
10PAULACHA341717
9NOÉTRA341717
12REGUEIROTRA341816
11MANUPOL342014
14SUSO COEDOBIL331914
13DAVID NAVALLOTRA331914
15ISMAELCAR321319
16JORGEREM321418
17GENIBIL301218
18MURIEGOREM29722
19MANOLOTRA281117
20IVÁN ALONSOBVE27918

Deixa unha resposta

O teu enderezo electrónico non se publicará Os campos obrigatorios están marcados con *