ESTATÍSTICAS DO PLAY OFF 2017

       Os resultados do domingo deixan ver claramente que o rendemento deportivo de palanadores e palanadoras de cada conferencia está moi parello. Por que dicimos isto? Pois, facémolo ao interpretar os datos estatísticos. No cadro 1 aparecen todos os participantes no PLAY OFF indicando quen pasou a primeira fase de grupos e quen quedou eliminado/a na fase de grupos, así como as puntuacións correspondentes destes. Despois, na fase de cruces houbo 3 enfrontamentos antes de chegar á final. A cor vermella indica a rolda na que quedou eliminado/a cada competidor/a. 

       No cadro 2 aparecen os números e porcentaxes de xogadores/as que se clasificarón para o PLAY OFF por cada Conferencia e o número e porcentaxes de quen se clasificou para a fase de cruces do PLAY OFF. En definitiva, en todas as conferencias hai palanadoras e palanadores de moito nivel, de nivel medio e de nivel. Outra cousa é a traxectoria individual. Aquí tamén hai números que fan situar a cada un e cada unha nun rango. Para coñecer eses números consultade as etiquetas RANKING de TÍTULOS e RANKING de XORNADAS.

       A transición doce produciuse na LNB, xa que a Coroza cambiou de palanador mais non cambiou de Conferencia. A Conferencia Mai quixo ir contracorrente de números de participación e de porcentaxes e conseguíu manter o título no seu territorio. Das mans de Chousa e da Terra Chá pasou á Mariña Lucense e as mans de Markytos. O xogador de Billardeiros Musicais agrandou a súa lenda e fíxose por terceira vez coa Coroza Nacional. Vai ser difícil igualar o seu palmarés… ou non tanto, xa que a participación na Categoría Infantil foi a máis elevada da historia con 12 nenas/os menores de 15 anos. Con este alcoube de palanadores/as en poucos anos sairá alguén que queira igualar e superar os logros do gran xogador de Ribadeo. 

       Na vida, como no deporte, é importante ter referentes que nos transmitan os valores adecuados para vivir nunha sociedade cada vez máis numerosa e diversa. Na LNB hai moitas persoas das que podemos sacar exemplos de vida.

JULIO VILAS

EDUARDO

MARTÍN BOCIXA

MANU POZO

PEPE OUTEIRO

CHARLI

SALVA

MARIO RODRÍGUEZ e CHEFA