COROZA NACIONAL
Xa está preparada de novo a histórica COROZA que pertenceu ao Ballet Galego Rey de Viana. Esta Coroza é unha peza única que está todo o ano no Asador A Gata Meiga (Poio) nun cuarto insonorizado e nas condicións de temperatura ideais para a súa perfecta conservación. Só un día ao ano sae do seu bunker de Poio para viaxar a Compostela. Ese día é o último domingo de maio e o motivo é o de vestir durante 5 minutos (pero, que 5 minutos!) á persoa que consiga o Título da LNB na Categoría Individual Absoluta. En definitiva, coroará ao mellor xogador ou xogadora do mundo da temporada 2016-2017.
