CONFERENCIA NORLESTE XORNADA 6 CASTRO RIBEIRAS DE LEA

16 Xaneiro, 2017 Admin

Vemos en primeiro plano a un palanador (segundo as fontes da LNB semella Luís Camiña) ameazando a un grupo de seareiros antes de empezar a carreira. Ao final declarou o palanador de Marín que este grupo estivo dedicándolle palabras feas.

O terreo de xogo estaba verde e o ceo azul, branco e gris. Magnífico lugar para xogar billarda. Castro Ribeiras de Lea non tivo compaixón das previsións meteorolóxicas e ofreceu a xogadores e xogadoras un clima fenomenal.

Na sexta xornada da Conferencia Nai celebrada en Castro Ribeiras de Lea, Iván Alonso, presentou en primicia mundial un prototipo para portar o material de xogo mentres se espera a quenda de xogo. Así, non cargas a musculatura do tronco co peso de palán e billardas e, ao mesmo tempo, non deixas que o material se descargue da enerxía que o corpo humano lle proporciona, asegurou o palanador de Castroverde.

Paula (subcampioa nacional 2016) e Chousa (coroceiro nacional 2016). Segundo o Coroceiro quédalle pouco para gozar do título, pois ten case imposible a clasificación. Mais, está impulsando unha iniciativa popular para que o Coroceiro obteña praza directa para o Play Off. Aínda ten a esperanza que o Comité de Sabi@s da LNB reflexione. Ademais, se non vai ao PLAY OFF quen levará o Santo Graal para entregar?

PARTICIPACIÓN
61

MULLERES
14
HOMES
47

CATEGORIA ABSOLUTA		do EQUIPO
1º	XAN RODIÑO	LÚA DE FORZA	SANXENXO
2º	CHARLI	CARABULLO	CASTRO DE REI
3º	MARKYTOS	BILLARDEIROS MUSICAIS	RIBADEO

CATEGORÍA FEMININA		do EQUIPO
1º	GENI	BILLARDEIROS MUSICAIS	RIBADEO
2º	PAULA	CHAÍNZOS-CADAVAL	CASTRO RIBEIRAS DE LEA
3ª	LOLA EIRAS	POLKA MISERIA	POL


	CATEGORÍA EQUIPOS	do EQUIPO
	1º	CARABULLO	CASTRO DE REI
	2º	BILLARDEIROS MUSICAIS	RIBADEO
	3º	CHAÍNZOS-CADAVAL	CASTRO RIBEIRAS DE LEA

Tamén che pode interesar

FINAL LNB 2018 Análise da temporada

2013 LNB

1ª xornada CONCEN 8 SETEMBRO 2013 Castrofeito

Deixa unha resposta Cancelar a resposta